РУСКИ КЕРЕСТУР – За наиходзацу манифестацию „Днї керестурскей паприґи”, котра будзе отримана того викенду, 25. и 26. авґуста, млади зоз Руского Керестура – Себастиян Няради, Андрей Орос и Иван Емейди, зняли видео-поволанку „Ступиденти”.
Видео-поволанка гумористичного характеру и на ориґинални способ поволує нє лєм Керестурцох, алє и нащивительох з других местох же би пришли на манифестацию, як и же би ше приявели на змаганє у вареню айвару.
Видео-поволанка обявена вчера на дружтвених мрежох, а мож ю одпатриц на ютюбу на тим ЛИНКУ.