ВЕРБАС – Општина Вербас розписала явну оглашку за лицитованє державней польопривредней жеми под аренду, а буду понукнути 2 092 гектари, подзелєни на 155 парцели у катастерских општинох Вербас, Коцур, Савине Село, Равне Село, Змаєво, Бачке Добре Польо и Косанчич.
Термин за придаванє документациї за участвованє на лицитованю 13. фебруар до 12 годзин (на Писарню Општинскей управи Вербас). За жем у вербаским хотаре лицитованє будзе 14. фебруара, а 16. фебруара за жем у коцурским хотаре. Шицки лицитованя починаю на 9 годзин у будинку Скупштини општини Вербас.
На лицитованю можу участвовац найменєй три роки реґистровани польопривредни ґаздовства на териториї вербаскей општини, а у зависносци од поверхносци жеми за хтору ше лицитує и способу обрабяня, потребне придац и другу документацию.
Информациї о явней оглашки и потребней документациї мож найсц на сайту Општини – www.vrbas.net.