ДЮРДЬОВ – У рамикох октобра, Мешаца кнїжкох и 12. Поетских нїткох Меланиї Павлович, Дружтво за руски язик, литературу и културу предполадньом у будинку Предшколскей установи „Дюрдєвак” у Дюрдьове за дзеци зоз Мишаного оддзелєня орґанизовали стретнуце зоз виховательками и представянє найновших виданьох Дружтва.
Дзеци за тоту нагоду пририхтали пригодну програму, а презентовани им найновши виданя Дружтва. Найвецей було слова о штирох сликовнїцох за дзеци – „Єшеньска розгварка”, „Хто цо роби”, „Домашнї животинї” и „У нашим краю птички шпиваю”.
Зоз дзецми ше спред Дружтва дружели Ирина Папуґа, Мария Самарджич, наставнїца руского язика, и виховательки Марина Сабадош и Оля Барань.