БЕОҐРАД/РУСКИ КЕРЕСТУР – На Конференциї з тему „Дуалне фахове образованє у функциї ефикасного тарґовища роботи” по прикладзе швайцарского моделу, хтора 6. фебруара отримана у Привредней комори Сербиї, участвовали и представителє Основней и штреднєй школи з домом школярох „Петро Кузмяк” з Руского Керестура.
Презентацию державного секретара за образованє, виглєдованє и иновациї федералного департману за економски питаня и образованє Швайцарскей Маура Деламбродя з керестурскей Школи слухали заменїца директора Невенка Пєщич и проф. класней настави Славко Надь. На Конференциї спред Општини Вербас була и Ксения Бенце.
Попри премиєра Александра Вучича, на Конференциї присуствовали и министрове Младен Шарчевич, Александар Вулин, Ана Брнабич, Ваня Удовичич и Ґоран Кнежевич, амбасадоре, привреднїки заинтересовани за дуалне образованє и представителє штреднїх школох и локалних самоуправох.