РУСКИ КЕРЕСТУР – У Школи „Петро Кузмяк” у Руским Керестуре на ютре, 9. априла, будзе 8. Медзиокружне змаганє з руского язика и язичней култури за школярох основних школох у хторих порядна настава по руски, як и за школярох зоз школох дзе ше руски язик виучує як виборни предмет з елементами националней култури.
Буду ше змагац 64-еро школяре од пиятей по осму класу – 35-еро з порядней настави з трох наших школох и 29-еро зоз школох з дзевец местох дзе ше руски виучує як виборни предмет.
Отверанє Медзиокружного змаганя будзе од 9,30 до 9,50 годзин, ришованє тестох од 10 до 11,30, а преглашенє побиднїкох од 14,30 до 15 годзин.
Змаганє орґанизую Министерство просвити, науки и технолоґийного розвою Републики Сербиї, Дружтво за руски язик, литературу и културу и ОШ „Петро Кузмяк”.