АПОСТОЛСКИ ЕҐЗАРХАТ/РУСКИ КЕРЕСТУР – У шицких парохийох нашого Апостолского еґзархату по обидвох календарох на ютре припада Нєдзеля шицких святих.
Наша Церква ше на тот дзень здогадує шицких святих котри зоз своїм животом шведочели християнску виру.
Источашнє, здогадує ше и на шицких упокоєних членох Церкви, та на ютре на теметове у Руским Керестуре, пред централним крижом, на 15 годзин будзе служена Панахида за шицких покойних, после чого священїки буду служиц панахиди и на гробох покойних, по жаданю їх найблїзших.