РУСКИ КЕРЕСТУР – У парохиї св. оца Миколая нєшка заповедане швето Рождество Пресвятей Богородици — Мала матка Божа. У манастире Исусових малих шестрох нєшка будзе Кирбай, а Служба Божа на 17 годзин.
Церква ше з тим шветом здогадує на дзень кед ше у Назарету, у доме Йоакима и Ани у їх позних рокох народзело дзивче Мария хтора вибрана же би познєйше постала мац Исуса Христа.
Швето будзе означене на Служби Божей у Катедралней церкви лєм рано на 8 годзин, и на велькей Служби хтора будзе у Водици на 10 годзин. Того дня у каплїци Исусових малих шестрох на Циґлашоре на 17 годзин будзе преславени Кирбай. Прето того дня вечаршей Служби нє будзе анї у церкви, анї у Водици, дзе иншак каждей соботи єст Служби Божо на 19 годзин.