НОВИ САД – Новинарска асоцияция Руснацох (НАР) нєшка, у просторийох АД „Дневник” на другим поверху, орґанизує другу часц едукациї за новинарох и редакторох котри информую по руски у чаше од 9,30 до 14 годзин.
На семинаре нашим новинаром и редактором будзе преподавац професор з Оддзелєня за медийни студиї др Владимир Барович на тему ґенези цензури и идеї шлєбодних медийох, а лекторка нашей новинско-видавательней установи Блажена Хома Цветкович о гранїцох уметнїцкей шлєбоди и иновацийох у язику.
Нєшкайша, як и прешлотижньова едукация, орґанизована у сотруднїцтве з Оддзелєньом за медийни студиї Филозофского факултету у Новим Садзе, з потримовку Покраїнского секретарияту за културу, явне информованє и одношеня з вирскима заєднїцами.