Нєшка о задзекованьох општинских функционерох

автор мар
806 Опатрене

КУЛА – За нєшка на 10 годзин, заказана схадзка Скупштини општини Кула, на котрей, як преноши локални медий „Ку медия”, на дньовим шоре буду задзекованя котри дали предсидатель Општини Кула Перица Видеканїч, предсидатель Скупштини општини Кула Велибор Милоїчич, заменїца предсидателя Скупштини Тат’яна Квасни и одборнїца Союзу войводянских Мадярох Ливия Козма.

На схадзки би требало буц вибране општинске руководство и руководство Скупштни општини, як и заменїка предсидателя Општини и членох Општинскей ради котрим функциї престали источашнє зоз задзекованьом Видеканїча.

Най здогаднєме, вистку о задзекованю Видеканїча перши обявел портал „Нашо место”, а потераз виостала официйна информация на сайту Општини Кула. Коментар на исте задзекованє пред даскельо днями дал и подпредсдиатель Сербскей напредней странки Милош Вучевич за РТВ.

ПОВЯЗАНИ ТЕКСТИ