Нєшка почина Фестивал култури и спорту, госцує новосадски РКЦ

автор зам
1.1k Опатрене

МЕДЗИЛАБОРЦИ (СЛОВАЦКА) – У Медзилаборцох у Словацкей нєшка, 23. юния, почина ювилейни, 55. Фестивал култури и спорту, тирва по нєдзелю, 25. юний, а того року з нашей жеми на Фестивалє участвує фолклорни ансамбл Руского културного центру (РКЦ) з Нового Саду.

Фестивал нєшка пополадню почнє на площи опрезу Музею „Енди Варгола” з „Русинским фестивалским концертом”, на хторим, попри домашнїх, участвує и шпивачка Олґа Прокопова з ансамблом „Червена ружа” з України.

Виводзацки танєчни анасамбл РКЦ з Нового Саду на отвореней сцени Фестивалу наступи на соботу, 24. юния, на програми наволаней „Репрезентативни наступ ансамблох”, на хторей, после дзецинских, наступя музично-танєчни ансамбли старших з русинских местох у Словацкей.

Ґала концерт” будзе на нєдзелю, 25. юния, а участвую филклорни ансамбли „Камяна”, „Стропковчан”, „Гачуре”, „Лелия”, „Лаборски бетяре”, „Хемлон”, ПУНА, „Коларовци” и други, як и тамтейши популарни музични ґрупи.

У спортскей часци Фестивалу буду орґанизовани турнири у ґуґланю и фодбалє, на хторих участвую екипи з Братислави, Велького Шаришу, Гуменого, Снїни, Колбушовей Долїни з Польскей и домашнїх з Медзилаборцох.

ПОВЯЗАНИ ТЕКСТИ