ДЮРДЬОВ – Штварта дюрдьовска Манифестация „Дюрдьов отвореного шерца” почина нєшка, а главна ґрупа хтора наступи будзе „Ван Ґоґ”, чий ше наступ планує после Bandx Real Tribute бенда AC/DC зоз Беоґраду, а публики ше представя и двоме ди-джейове – Meisten Mthaza и Душан Николич.
Нєшка ше, окрем музики, буду промововац и дюрдьовски ґереґи, котри годно купиц на штанду Дюрдьовчана Александра Шовлянского.
Карти ище вше мож купиц у GIGSTIX предайних местох и у Билияр клубу у Дюрдьове, а годно их купиц и на уходзе. Порядна уходнїца кошта 300 динари, VIP 1 200 динари, а вецей информациї єст на ФБ профилу Ujedinjene boje zvuka або Đurđevo otvorenog Srca ’18.
Манифестация почнє на 20 годзин на спортским полиґону у центре Дюрдьова. Орґанизатор валалске Здруженє „Зєдинєни фарби звука”.