НОВИ САД – Нєшка на 20,30 годзин на Камерней сцени Сербского народного театру у Новим Садзе, Владимир Балащак одбави представу „Кральова драга”.
Тота представа настала по мемоарскей прози краля Петра II Карадьордєвича позбераней до кнїжки „Мой живот”, по записох дзепоєдних историчарох, новинских статьох и телевизийних емисийох хтори пошвецени кральови Петрови II. Авторка и режисерка „Кральовей драги” Лилияна Иванович, а реализована є у продукциї Шабацкого театру зоз Шабцу и Театра „Ирена Колесар” зоз Сримскей Митровици.
Владимир Балащак зоз представу „Кральова драга” 18. марца наступел и на тогорочним Драмским мемориялу Петра Ризнича Дядї у Руским Керестуре.