ВЕРБАС – На теренох Спортского центру „Йоаким Киме Виславски“ у Старим Вербаше всоботу, 8. априла, шветочно отворени реновировани терен за кошарку, хтори обновела компания „Моцарт“.
Обнову Спортского центру „Йоаким Киме Виславски“ Вербащанє сами приявели до компаниї „Моцарт”, а як поведзене на отвераню, тота дружтвено одвичательна компания дотераз обновела 37 терени, з хторих 10 у Войводини, а план обновиц 100 терени у цалей Сербиї.
На отвераню кошаркашских теренох присуствовали представителє компаниї „Моцарт“, як и тренер Деян Мудреша и млади кошаркашки ЖКК „Вербас“, хтори нєдавно преглашени за найлєпши кошаркашски клуб у Войводини.
На терену положени нови коши, офарбени трибини и простор за бавенє, а исти дзень на нїм отримани вецей змаганя, хтори пририхтали орґанизаторе.