РУСКИ КЕРЕСТУР − Як и прешлих рокох, так и того року Дїдо Мраз з нагоди Нового року, наймладшим Керестурцом будзе дзелїц пакецики на пригодней програми у Велькей сали Дома култури.
Од нєшка, 11. децембра, пакецики мож записац у просторийох Месней заєднїци (МЗ) Руски Керестур у Спортскей гали. Бон за пакецик кошта 500 динари, а попри богатого пакецика з лакотками, МЗ опредзелєла и дополнююци средства з котрих до каждого купела и подарує по єдну дзецинску кнїжку котру видала НВУ „Руске слово”.
Шветочна програма и дзелєнє пакецикох будзе на пияток 28. децембра з початком на 14 годзин.