СЕРБИЯ – Од нєшка на превозкох обовязне мац шицки штири жимски ґуми, кед на драгох єст шнїгу, ляду и кед лядовица.
Кед же у тим чаше сухo, достаточне мац и лєтнї ґуми, алє з рапку найменєй 4 милиметри. Кед векши шнїг, на драгох дзе то назначене як обовязне, на колєса треба положиц и ланци.
У случаю же на драгох шнїг, а власнїки превозкох нє маю жимски ґуми, за физични особи кара од 6 000 до 20 000 динари.
Компетентни апелую на вожачох же би заменєли ґуми нє лєм пре законску обовязку, алє и пре свою и безпечносц других учашнїкох у транспорту. Обовязка кладзеня жимских ґумох на превозки тирва до 1. априла.