ДАБЛИН (ИРСКА) – Од 22. по 26. авґуст у Даблину, главним городзе Ирскей, отримує ше IX Шветове стретнуце фамелийох на хторим будзе участвовац и папа Франциско.
Тема Стретнуца „Євангелия фамелиї – радосц за швет”, а вершина Стретнуца будзе Служба Божа хтору 25. авґуста будзе предводзиц папа Франциско.
Перше Шветове стретнуце отримане пред скоро 25 роками, односно 1994. року, а на инициятиву тедишнього папи Йоана Павла Другого, хтори теди виявел же „потребне будовац цивилизацию любови”.
Стретнуца потераз отримани на трох континентох у седем городох – у Риме два раз, потим у Рио де Жанеиру, Милану, Манили, Валенсиї, Мексику и Филаделфиї. Най здогаднєме, на стретнуцу у Манили 2003. року нашу жем представяли супружнїки Мелания и Владимир Римарово з Нового Саду.