ВЕРБАС – У орґанизациї Секциї женох Ради Самостойних синдикатох општини Вербас прешлого тижня отримана трибина о Закону о финансийней потримовки фамелиї з дзецми.
Округли стол отворела предсидателька Секциї женох Стойка Дацич, хтора надпомла же применьованє того Закону почина 1. юлия того року.
Правнїца Миляна Томич подробнєйше толковала дзепоєдни точки нового Закону, наглашуюци цо нове у нїм и його позитивни бок у часци дзе тераз право на родительски додаток витворюю ровноправно и жени заняти по основу контракту о дїлу, анґажовани на дочасових и почасових роботох, як и гевти хтори робя у польопривреди. На сходзе могло чуц о тим як ше витворює дзецински додатки и висини истих хтори предвидзує нови Закон.
Округли стол нащивели млади мацери и жени представительки компетентних институцийох, а шицки замеркованя, зауваги, предкладаня на нови Закон Секция женох будзе сумировац и упуци далєй на розпатранє Покраїнскому Синдикату и компетентним орґаном.