РУСКИ КЕРЕСТУР – На осмим Младежским балє, отриманим у Руским Керестуре всоботу, 17. фебруара у Ресторанє „Червена ружа”, було коло 220 госцох з Нового Саду, Дюрдьова, Коцура, Лалитю, Керестура, як и зоз Горватскей, Канади и Нємецкей.
Млади ше вешелєли зоз „Тамарис бендом”, а були орґанизовани змагательни бависка „Рулет танєц” и „Чаривна палїчка”, як и богата томбола, хтору обезпечели рижни спонзоре и орґанизаторе.
Главна награда, телевизор, пошла до Дюрдьова.
Як и прешлого року, Бал и тераз бул и гуманитарного характеру, понеже на уходзе була поставена шкатула до хторей ше зберало пенєжну помоц за Наташу Ґайдош зоз Коцура.
Затераз назберане 7 000 динари, алє, як дознаваме од орґанизаторох, тота сума ище нє конєчна.