БЕОҐРАД – Всоботу, 28. юлия, путуюци зоз паломнїцтва по греческих манастирох, грекокатолїцки парох Петро Басараб зоз Ивано-Франкивскей обласци з України и коло сто паломнїки, нащивели и беоґрадску парохию, а обишли и дзепоєдни места у самим городзе.
Госцох з України дочекала и оможлївела им мац Службу Божу 29. юлия у нашей бувшей церкви у Хаджи Милентийовей, такволаней Катедрали панї Олґица Лендєр Радович, бо парох беоґрадски о. Владислав Варґа предводзел Кирбайску Службу Божу у Новим Вербаше. Служба тирвала скоро два годзини, шицки паломнїки ше причащали, цилуюци по їх обичаю Євангелию, а панї Радович им у мено нашей парохиї була домашня и потолковала екуменску димензию абсиди церкви Успения Пресвятей Богородици.
Уж дасекельо раз беоґрадска парохия була домашня таким и подобним паломнїком, а идуцого року тота парохия означи и 15-рочнїцу од своєй духовней обнови.