НОВИ САД – Фондация „Нови Сад 2021-европска престолнїца култури” обявела Явни конкурс за софинансованє мобилносци менаджерох у култури и дїячох у култури и уметносци у тим року, а у рамикох проєкта „Звонка зони комфора”.
Циль того проєкта же би ше злєпшало мобилносц, унапредзенє и медзинародни културни сотруднїцтва и вибудов институцийних и административних капацитетох у установох култури на териториї Городу Нови Сад и општинох Сримски Карловци, Беочин и Ириґ.
На конкурс ше можу приявиц и заняти особи, односно роботно анґажовани особи у установох култури, уметнїцких и других здруженьох реґистрованих за окончованє роботох у обласци култури чий снователь Город Нови Сад, Република Сербия, АП Войводина и општини Беочин, Ириґ и Сримски Карловци.
Явни конкурс ше розписує за софинансованє двох файтох пребуваня у иножемстве, а вецей информациї мож пречитац на сайту Фондациї, або на тим линку.