БЕОҐРАД – Министер польопривреди Бранислав Недимович початком тижня виявел же, по службених податкох з Порцийней управи, длуство польопривреднїкох за пензийне, инвалидске и здравствене осиґуранє виноши 185 милиярди динари и же часц длуства будзе одписана, як и же будзе реформована система ПИО-осиґураня у польопривреди.
Зоз спомнутей суми 30 милиярди динари длуство за здравствене осиґуранє, а гевто за ПИО-осиґуранє, як главнїна, лєбо камата. Недимович визначел же ше вєдно з Министерством финансийох ришує тот озбильни проблем, односно же би ше одписало длуство за доприноси за здравствене осиґуранє польопривреднїкох.
– Предлог Министерства польопривреди же би ше и за доприноси за ПИО-осиґуранє одписало камати, цо коло 60 одсто суми длуства, а хто зосце, же би ше за главнїну вязало стаж. О тим будземе водзиц озбильни прегварки з Министерством финансийох – гварел министер Недимович.
По його словох, роби ше и на предкладаню вименкох Закона о ПИО хтори ше одноши на польопривреду, бо нєлоґичнє же би ше за гектар и за 100 гектари жеми плацело исти допринос за ПИО.