РУСКИ КЕРЕСТУР – Од 9. по 12. авґуст отримаю ше традицийни духовни вежби за младих – Водицов камп.
Главна тема Кампу будзе „История Церкви” хтору отрима керестурски парох о. Михайло Малацко, а буду обробени и други теми вязани за сучасни проблеми младих.
Млади обдумали велї духовни и спортско-рекреативни змисти, а у орґанизованю Кампа им помогню и старши волонтере Каритасу.
Приявйованя уж почали, алє єст ище дакус места та, хто жада, може ше явиц Иванови Чизмаровому на фейсбук або йому особнє. Участвовац можу школяре пиятей класи основней школи и старши, з тим же у Водици можу преспац лєм тоти цо закончели найменєй шесту класу, а цена пребуваня 1 000 динари.
Як и кажди рок, поволую ше и вирни же би з пенєжнима прилогами, поживу, з роботу у кухнї або превоженьом младих до Водици помогли младим у орґанизованю Кампу.