РУСКИ КЕРЕСТУР – На Конститутивней схадзки Церковного одбору рускокерестурскей парохиї св. оца Миколая, 2. септембра, його члени за предсидателя вибрали Михайла Рамача, розподзелєни и други функциї, а оформени и Економска и Пасторална рада парохиї.
За подпредсидателя одборци вибрали Славка Романа, касир будзе Владимир Колєсар, а секретар Сашо Рац. Вибрани и туторе церкви – Дюра Будински и Михал Венчельовски, туторе Водици – Миронь Дудаш и Владимир Чизмар, а теметова – Михайло Рац и Миронь Будински.
На предкладанє пароха о. Михайла Малацка Одбор як совитодавне цело у комуникациї з державу и у технїчних питаньох, першираз у керестурскей парохиї оформел и Економску раду до котрей меновани Юлин Фейди, Елемир Рамач, Мария Майхер, Мирослав Надь и Яким Чизмар.
Менована и Пасторална рада до хторей уходза волонтере парохийного Каритасу, представителє монахиньох, парох и капеланє хтори ше уж роками стараю за рижни стретнуца, акциї и духовну промоцию парохийней заєднїци.