ДЮРДЬОВ – Вчера у Велькей сали Општини Жабель фирма „Фереро Рошер“ у Жаблю орґанизовала представянє технолоґиї продукциї лїсковцох, як и можлївосци контраченя лїсковцох за предай прейґ спомнутей фирми.
Сход отворел представитель локалней власци задлужени за промоциї у обласци польопривреди Дарко Радойчин, а потим о продукциї лїсковцох, пририхтованю жеми за лїсковци, продукциї, можлївим сотруднїцтве и тарґовищу бешедовал сотруднїк „Фереро Рошеру“, аґроном задлужени за Войводину у компаниї „Аґрисера” Слободан Павлович, а о продукциї, способе хованя лїсковцох, предносцох лїсковцу у одношенюц на други култури, як и о условийох подписованя контракту за одкуп бешедовал и директор розвою „Фереро Рошеру” за тот реґион Александар Петрович.
Присутним винєшени и можлївосци за кредитованє продукциї лїсковцох, о чим им бешедовал представитель „Кредит Аґрикол“ банки Иван Туцаков.
Заинтересовани за продукцию лїсковоцх вецей информациї о тим можу достац од Слободана Павловича по е-адреси slobodan.pavlovic@agriser.rs, лєбо на телефон 063/866-68-70.