Представителє Московского реґиона нащивели Вербас

автор злк
738 Опатрене

ВЕРБАС – Пияток, 3. авґуста, Вербас нащивели директор Установи за културу и спорт городу Истра зоз Московского округу Евґений Рашаєв и його два сотруднїци – Єлена Павловна Раєва и Ана Викторовна Салова котри жадаю порушац сотруднїцтво у рижних обласцох.

Госци зоз Русиї на схадзки зоз предсидательом Општини Вербас Миланом Ґлушцом розпатрали у котрих обласцох Општина Вербас може сотрудзовац зоз тим реґионом.

Предсидатель вербаскей Општини Милан Ґлушац упознал госцох зоз характеристиками општини, числом културних манифестацийох, числом спортских клубох и спортских збуваньох котри ше отримую у Вербаше.

Госци зоз Русиї, у дружтве представительох Здруженя сербско-русийского приятельства „Род” положели венєц на памятнїк погинутим вояком Червеней армиї, обишли Городски музей и комплекс Центра за физичну културу „Драґо Йовович”.

ПОВЯЗАНИ ТЕКСТИ