КОЦУР – У малей сали коцурскей Месней заєднїци вчера, 15. юния почало виплацованє за чкоду хтору НИС направел на польох у хотаре под час випитованя нафти и ґазу.
До Месней заєднїци вчера пришло вельке число Коцурцох котрим очкодовани поля, а цени по хторих НИС виплацує чкоду парастом прилапююци. За кукурицу ше виплацує за урожай од 8 до10 тони по гектаре по 22 дин. за кґ, за жито за урожай од 7 до 8 тони по гектаре по 24 дин/кґ, за урожай сої од 4 до 4,4 тони по гектаре по 45 дин/кґ, а за слунечнїк за урожай од 4 до 4,4 тони по гектаре по 45 динари за килограм.
Овоцнїки, малини и други вецейрочни култури ше заобиходзи и на тих польох НИС нафту и ґаз нє випитує.
Роботнїки НИС-у у Месней заєднїци Коцур пре виплацованє чкоди буду кажди штварток од 9 до 14 годзин, а гражданє котрим поля очкодовани зоз собу маю принєсц число парцели, особну леґитимацию и число чечуцого рахунку.