РУСКИ КЕРЕСТУР – На госцованю у Зомборе рускокерестурски „Русин” вчера процив ОФК „Шикара” одбавел нєришено 2:2, у 26. колє першенства у Подручней фодбалскей лиґи Зомбор-Бачка Паланка. Ґоли за „Русин” дали Борис Орос и Срдян Дюканович.
„Русин” и далєй на 5. месце, тераз зоз 38 бодами, а шлїдуюце першенствене змаганє бави уж на стреду, 17. мая, на своїм терену процив „Младосци” з Крущичу, алє ще без присуства публики, понеже є од скорей покарани з бавеньом двох змаганьох на домашнїм терену без публики.
На нєдзелю, 21. мая, „Русин” госцує у Липару, процив ФК „Липар”.