НОВИ САД – Покраїнски секретарият за польопривреду, водопривреду и лєсарство розписал Други конкурс за додзельованє средствох за софинансованє инвестицийох купованя опреми за хладзальнї, машинох, опреми за преробок олєяркох и за сушари ароматичних, присмачкових и лїковитих рошлїнох у 2017. року.
Условия Конкурсу исти як и на першим, а тоти средства обезпечени з юнийски ребалансом покраїнского буджету. Особи котри достали средства на першим Конкурсу тераз нє можу конкуровац.
Безповратни средства мож достац за хладзальнї меншого капацитету за чуванє овоци и желєняви, та за опрему за пририхтованя тих продуктох за тарґовище, потим за сушари за ароматични, присмачково и лїковити рошлїни и опрему за прероробок олєяркох.
Циль Конкурсу же би ше подзвигло технїчно-технолоґийну опременосц польопривредних ґаздовствох, тирва покля єст средства, а найдалєй по 15. септембер того року.
Цалосни текст Конкурсу, правилнїк и формулари за конкурованє мож опатриц на интернет адреси:www.psp.vojvodina.gov.rs.