НОВИ САД – Покраїнски секретарият за польопривреду, водопривреду и лєсарство 4. марца розписал нови три конкурси за польопривреднїкох – за софинансованє набавяня опреми за наводньованє и вибиванє студньох, за набавянє конструкцийох и опреми за рошлїнску продукцию у завартим (пластенїкох), як и за додзельованє безповратних средствох за набавянє системи за процивкаменцову защиту.
За набавянє опреми за наводньованє опредзелєни вєдно 450 милиони динари, за набавку пластенїкох вєдно 80 милиони, а за процивкаменцово мрежи, насампредз за овоцнїки, 320 милиони динари. За шицки намени безповратни средства виноша 60 одсто од инвестициї, а конкурси отворени покля опредзелєни средства нє буду потрошени, заключно зоз 31. майом того року.
Шицки конкурси з условиями и потребнима формуларами за приявйованє обявени на сайту Покраїнского секретарияту за польопривреду – www.psp.vojvodina.gov.rs