РУСКИ КЕРЕСТУР – И того жимского розпусту у Каритасу отримани Дзецински куцик, хтори тирвал од 10. по 13. януар.
Коло трицецеро дзеци нїзших класох и оводаше приходзели на друженє од 19 по 21 годзину, на хторим було рижни активносци и рекреативни бависка. Дзеци ше змагали у столним тенису, учели нови шпиванки и танци, бавели дружтвени бависка, мальовали… Шицки активносци орґанизовали млади, а у тим им помагали старши волонтере и родичи.
Остатнї дзень у Велькей виронаучней бул маскенбал з музику и „диско” ошвиценьом, а кажде зоз собу принєсол и закуску. Кед ше шицки натанцовали, найактивнєйши учашнїки достали скромни награди.
