СЕРБИЯ – После 14 рокох на власци, по перших нєурядових резултатох, Сербска напредна странка прешвечлїво поражена на позарядових парламентарних виберанкох.
Нєодлуга по завераню виберацких местох, коло 21:30 г. Александар Вучич, ношитель лїстини СНС под назву „Александар Вучич – Зєдинєна Сербия” признал пораженє, и на конференциї за медиї виявел же по терашнїх резултатох „Студентска лїстина – Студенти победзую” освоєла коло 130 мандати за народних посланїкох, а СНС коло 105.
По резултатох котри обявел Центер за виглєдованє, транспарентносц и одвичательносц ЦРТА, перши прелиминарни резултати глаша же Студентска лїстина освоєла 51,47 одсто, а СНС 40,42.
На виберанкох зазначена виходносц коло 70 одсто.
Побиду Студентскей лїстини ше преславює на улїчкох по шицких местох, валалох, а окреме у векших городох.