КОЦУР – И у Коцуре ше нєшка, 25. октобра, отримую Позарядово парламентарни виберанки, а валалчанє можу гласац на штирох виберацких местох.
Як пренєсол општински сайт, до виберацкого списку у општини Вербас уписани вкупно 33.030 гласаче.
У Коцуре єст вкупно 3398 гласачох, кельо уписане до виберацкого списку, а гласаю на штирох виберацких местох. Гласанє ше одвива на виберацким месту 27 у правим голу Основней школи „Братство єдинство”, 28 у малей сали Месней заєднїци, на виберацким месту 29 у лївим голу Основней школи и 30 у Велькей сали Месней заєднїци.
Шицки гласацки места отворени на час, а гласанє ше одвива поряднє, без зазначених проблемох до того часу.
По 10 годзин у Коцуре гласали вкупно 953 гласаче, односно коло 28 одсто од вкупного числа гласачох.
На уровню општини Вербас, по 10 годзин зазначена виходносц од 29 одсто од вкупного числа чласачох.
Цали процес гласаня затераз преходзи мирно.
