РУСКИ КЕРЕСТУР – Катедрална церква св. оца Миколая у Руским Керестуре нешка, 9. мая, преславює свойо храмове швето – Кирбай, на дзень премесценя мощох св. Миколая з Мири у Малей Азиї до Барию у Италиї.
Ранша Служба Божа будзе на 8, а Архиєрейска, хтору предводзи наш владика Георгий Джуджар з домашнїма священїками, на 10 годзин. По Служби будзе одпустови обход з читаньом євангелийох.
Керестурци на Кирбай привитую и числених госцох з наших местох и околїска, аж и з иножемства, а Кирбай провадзи и велька вашарска часц, за хтору места були позаберани ище пред мешацом.