БЕОҐРАД – У идуцих трох рокох буду видзелєни 25 милиони еври за стимулованє новооснованих и отримованє постояцих задруґох, гварел вчера министер без портфеля, задлужени за реґионални розвой и координацию роботи явних подприємстох Милан Кркобабич.
Кркобабич визначел же у идуцих трох рокох буду основани, лєбо обновени 500 задруґи, а же од початку донованя средствох за обнову задруґарства у Сербиї основани 70 нови задруґи.
Вон додал же би задруґи требали участвовац на конкурсох за средства хтори опредзелєни за розвой задруґарства у Сербиї у идуцих трох рокох.