НОВИ САД/РУСКИ КЕРЕСТУР – Дружтво за руски язик, литературу и културу того тижня наявело вецей активносци, насампредз стретнуце зоз проф. др Вейлсом Браунийом зоз Нюйорку (ЗАД), на ютре, 28. авґуста на 11 годзин, у Заводзе за културу войводянских Руснацох у Новим Садзе, цо Рутенпрес уж наявел тих дньох.
На штварток, 30. авґуста на 10 годзин, у Руским Керестуре будзе 24. Стретнуце руских основних и штреднїх школох зоз схадзку Активу наставнїкох руского язика у Основней и штреднєй школи зоз домом школярох „Петро Кузмяк” у Руским Керестуре.
Тиж у Руским Керестуре, на соботу, 8. септембра, на 10,30 годзин будзе 18. схадзка Активу вихователькох руского язика у Предшколскей установи „Бамби”, оддзелєня „Цицибан” у Руским Керестуре, на хторей буду представени сликовнїци за предшколски дзеци обявени 2017/2018. року.