ДЮРДЬОВ – Штварта дюрдьовска Манифестация „Дюрдьов отвореного шерца”, орґанизатора Зєдинєни фарби звука, будзе отримана на соботу, 4. авґуста на 20 годзин на спортским полиґонє у центре Дюрдьова.
Главна ґрупа того вечара будзе култни музични бенд у цалим реґиону – Ван Ґоґ. У истим жанру наступи ище єден бенд – Bandx Real Tribute бенд AC/DC зоз Беоґраду, а познєйше и двоме ди-джейове – Meisten Mthaza и Душан Николич.
Пице ше будзе куповац з бонами котри годно купиц на уходу на Манифестацию. Карти мож купиц у GIGSTIX предайних местох и у Билияр клубу у Дюрдьове, а годно их купиц и на уходзе на дзень Манифестациї. Порядна уходнїца кошта 300 динари, VIP 1 200 динари, а з ню ше уходзи до окремного простору котри видзвигнути прейґ драги бини, келнерох и друге. Вецей информациї єст на ФБ профилу Ujedinjene boje zvuka або Đurđevo otvorenog Srca ’18.
Орґанизаторе читачом „Рутенпреса” дарую два раз по два уходнїци за тоту подїю. Як их мож достац, информуєме вас на пондзелок, 30. юлия.