РУСКИ КЕРЕСТУР – Шаховски клуб „Русин” у другим колє змаганьох у Медзиопштинскей шаховскей лиґи Зомбор вчера у Руским Керестуре победзел екипу ШК „Липар” з Липару зоз 4:2.
За Русин побиди виборели Мирко Афич, Янко Катрина, Звонимир Медєши и Дюра Венчельовски, а партиї страцели Рафаил Венчельовски и Евґениє Медєши мл.
Була то перша побида „Русину” у ярнєй часци першенства, понеже у першим колє на госцованю страцел од „Бачкого Брегу” зоз 4:2.
На нєдзелю „Русин” бави з екипу „Алекса Шантич” у истоменим месце.