Швето у знаку колядох и поезиї

автор влдї
1.2k Опатрене

БИКИЧ – У Доме култури, у орґанизациї КПД „Иван Котляревски“, вчера означене Националне швето Руснацох зоз пригодну програму.

Жридлова шпивацка ґрупа „Бикичанки“ ше представела зоз венчиком колядох хтори пририхтую зняц на компакт-диск, а Зденко Лазор пречитал историйни податки о приселєню Руснацох на тоти простори, з окремним огляднуцом на Бикич.

ALIM3370

Зоз поезию ше представели и Марина Шолтис хтора рецитовала писню Михала Рамача „Руске слово“, Невенка Бобаль пречитала свою писню „Руска мац“, Дарко Бобаль авторску писню „Опомнуце“, а Зденко Лазор писню „Мойо гори“.

После програми було друженє на хторим були понукнути традицийни руски єдла.

По конєц тижня Националне швето Руснацох будзе отримане по тим розпорядку.

ALIM3379

ПОВЯЗАНИ ТЕКСТИ