РУСКИ КЕРЕСТУР – У амбуланти у Руским Керестуре на ютре, 16. юния, од 8 по 13 годзин, буду безплатни препатрунки у рамикох „Базару здравя”, котри орґанизує Месни одбор Сербскей напредней странки Руски Керестур.
Лїкаре специялисти буду окончовац меранє цукру у креви, меранє кревового прициску, ЕКҐ шерца и ултразвук абдомену. Особи котри приходза на препатрунок потребне же би пришли нєнаєдзени.
Препатрунки цалком безплатни, а здравствена карточка нєобовязна.