НОВИ САД – У Музею Войводини на ютре, 31. октобра на 19 годзин, професор на Филозофским факултету др Владимир Барович отрима преподаванє о о. Йованови Храниловичови (1855–1924).
О. Йован Хранилович бул новосадски грекокатолїцки парох хтори здобул барз вельки угляд медзи новосадску интелиґенцию, а мал чесц предшедовац Велькей народней скупштини 25. новембра 1918. року на котрей принєшена одлука о присоєдинєню Войводини ґу Сербиї, до составу новоствореней держави Кральовини Сербох, Горватох и Словенцох.
Свойо вельке доприношенє дал и Руснацом як новинар, публициста, поета, гуманиста и дружтвени роботнїк хтори цалого живота робел на добро нє лєм Руснацом, алє и цалей дружтвеней заєднїци.