БИКИЧ – На ютре, 4. юния, у Бикичу будзе традицийна манифестация „Пришли нам Русадля“, а попри духовного змисту и културно-уметнїцкей часци програми, Бикичанє и того року предлужа пестованє звичаю рубаня майского древка.
Манифестация на ютре почнє зоз Службу Божу, хтору у церкви Успения Пресвятей Богородици у Бикичу на 11 годзин будзе служиц парох о. Владимир Еделински Миколка, а централна програма будзе на на 16 годзин у Доме култури.
На програми домашнє КПД „Иван Котляревски“ прикаже народни обичаї вязани за оберачку грозна у Бикичу, а участвую и шпивацки ґрупи КПД „Дюра Киш“ зоз Шиду и госци з Ужгороду, з Украниї, два музични триа – „Рапсодия“ и „Мелодия”. Манифестация будзе закончена з рубаньом майского древка у центре места.
Опрез Дому култури буду виложени штанди зоз стародавнима єдлами и ручнима роботами вецей здруженьох женох, а у Етно-хижи у Бикичу будзе отворена вистава вишиваних заглавчкох.
На ютре, под час Манифестациї „Пришли нам Русадля“, будзе и стретнуце дзепоєдних народних посланїцох у Народней скупштини Сербиї и представителькох ОЕБС-у з представительками Здруженя женох „Бикичанки“, у рамикох инициятиви „Шлїдзце нас“ („Следите нас”), хтора промовує умрежованє женох з руралних подручох