НОВИ САД – На внєдзелю отриманим Першенстве Сербиї у вецейбою у Новим Садзе участвовали и дзевец младши пионире з Атлетского клубу (АК) „Русин”, а найлєпше ше пласовал Микола Папуґа, хтори завжал 11. место у Сербиї.
Млади атлетичаре ше змагали у тробою за младших пионирох – бежали на 60 метери, скакали до далєка и руцали трикилову кулю.
Попри Папуґу, на змаганю участовали Неманя Стойков, Никола Накич, Давид Надь, Деян Надь, Дарко Надь, Леонтий Сивч, Иван Рац и Тони Пашо.
Уж два роки, на бодовней лїстини рекорд трима наш атлетичар Иван Будински, хтори док бул младши пионир, направел 2 235 боди, а тот рекорд ше ище нїкому нє удало звалїц.