БЕОҐРАД – Од початку применьованя Закона о безпечносци транспрту на драгох, односно уводзеня системи каребних поенох, од 1. януара 2010. року вжати вкупно 7 894 вожацки дозволи, сообщела Аґенция за безпечносц транспорту, поволуюци ше на податки з Министерства нукашнїх дїлох.
Аґенция за безпечносц транспорту дотераз отримала вєдно 99 семинари за вожачох котрим вжати дозволи пре нєсовисне управянє з моторну превозку.
Семинари ше реализує сукцесивно и ґеоґрафски розпоредзено у зависносци од числа приявених кандидатох и шицким кандидатом котри ше приявя и доруча потребну документацию, без длугшого чеканя оможлївене присуствованє.
Право пойсц на семинар и знова достац вожацку дозволу вожаче маю аж кед сполня шицки зоз Законом предвидзени условия, у зависносци од причини пре хтору назбелари 18 и вецей каребни поени.
Семинар тирва 40 годзини, а кед их одслухаю, кандидати покладаю испит преверйованя знаня.