РУСКИ КЕРЕСТУР – Национални совиту (НС) Руснацох од вчера, односно од 25. септембра, ма нового члена – то Борис Фейди, студент з Коцура, з виберанковей лїстини „Млади за будучносц”.
Ришенє о додзельованю мандату новому членови з Републичней виберанковей комисиї (РВК) до НС сцигло вчера, 30. септембра, а видате є 25. септембра. З РВК Борис Фейди достал Уверенє о виборе за члена НС Руснацох.
Фейди, як други на спомнутей лїстини, у НС заменєл дотерашнього члена Миколу Медєша з Коцура, котри пре особни причини дал задзекованє на тото место, а його задзекованє НС констатовал на своєй схадзки 12. септембра.
На основи Увереня з РВК, НС на першей шлїдуюцей схадзки констатує мандат новому членови, а Борис Фейди уж на шлїдуюцей схадзки Совиту будзе участвовац у єй роботи як ровноправни член – дознава Рутенпрес у Служби НС.