НОВИ САД – Министер польопривреди и защити животного штредку Бранислав Недимович и покраїнски секретар за польопривреду, водопривреду и лєсарство Вук Радоєвич концом прешлого тижня мали стретнуце з представителями асоцияцийох польопривреднїкох, на хторим бешедовали о мирох аґрарней политики и наиходзацей шатви жита.
– Пошвидко видземе з конкретнима мирами за идуци буджетни рок, а у напряме укладаня до опреми и до шицкого цо приноши додатну вредносц у польопривреди – гварел министер Недимович. З тей нагоди покраїнски ресорни секретар Радоєвич гварел же комуникация з Министерством, хтора ключна за розвой польопривреди, барз добра, цо хибело у предходним периодзе.
Стретнуце орґанизовал Польоривредни факултет у Новим Садзе, односно його Департман за польодїлство и загадкарство.