СЕРБИЯ – За участвованє у кампанї „Моя Сербия“ приявели ше 230 погосцителє зоз Сербиї, найвецей з Врнячкей Банї, Златибору, Сокобанї, Копаонику, Старей планини и Арандєловцу. Як наявел министер тарґовини, туризму и телекомуникацийох Расим Ляїч, гражданє ше уж од пондзелку годни приявиц за одредзене туристичне понукнуце, преноши Танюґ.
Найвецей понукнуца дали готели, мотели и апартмани, алє и физични особи, односно гевти котри видаваю хижи, потим купелї, з чим задоволєна цалосна структура хтору Сербия ма у своїм туристичним понукнуцу, оценєл Ляїч.
У туристичних обєктох хтори участвую у кампанї „Моя Сербия“ гражданє годни вихасновац ваучер вредносци 5 000 динари, з хторим Влада Сербиї жада порушац домашнї туризем.