БЕОҐРАД – Понеже акция „Моя Сербия”, у хторей ше за препровадзованє одпочивку у Сербиї дзелєло ваучери вредносци 5 000 динари, була барз успишна, министер тарґовини, туризму и телекомуникацийох Расим Ляїч наявел же идуца акция будзе тирвац цали 2016. рок.
– Од 1. януара предлужиме з проєктом дзелєня ваучерох. Виправиме гришки хтори зме мали у процедури видаваня ваучерох, же бизме тоту роботу олєгчали, пошвидшали и оможлївели же би ше явело цо векше число людзох – гварел министер Ляїч, а преноши „Блиц”.
Вон винєсол и податки же за седем мешаци 2015. року число домашнїх туристох звекшане за 12,7 одсто, а дотераз подзелєни 13 000 ваучери и витворени 65 000 ноцованя.