Вербаска општина будзе мац Клуб за глєданє роботи

автор апм
774 Опатрене

ВЕРБАС – Представителє Националней служби за обезпечованє роботи и 85 локалних самоуправох, медзи хторима и Вербас, пондзелок подписали спорозуменє о отвераню нових клубох за глєданє роботи, 10 центрох за информованє и професийне совитованє и 80 самовислужних роботних станїцох.

Слово о проєкту ЕУ „Помоц ґрупом хтори чежше доставю роботу”, хтори помага нєзанятим же би унапредзели знаня и схопносци за активне глєданє роботи и на тот способ постали конкурентни на тарговищу роботи. ЕУ за проєкт видвоєла 6,5 милиони еври, а Национална служба 3,6 милиони еври.

После подписованя контрактох визначене же циль отвераня нових єдинкох обезпечиц помоц нєзанятим у глєданю роботи и же би ше локални самоуправи активнєйше уключели до даваня такей помоци.

У мено Општини Вербас контракт з директором Националней служби за обезпечованє роботи подписал заменїк предсидателя Општини Милан Ґлушац.

ПОВЯЗАНИ ТЕКСТИ