СЕЧАНЬ – Представителє Нєзависного здруженя новинарох Сербиї, Здружея новинарох Сербиї и Нєзависного здруженя новинарох Войводини оценєли же добри приклад очуваня вецейязичного информованя указали новинаре Радио Сечню, котри сновали здруженє гражданох, та тот медий предлужел функционовац як медий цивилного сектору.
Здруженя новинарох апеловали на державни орґани же би ше борели за обстоянє вецейязичних медийох, а шлїдом искуства Радио Сечню – поручели же снованє медийох цивилного сектору одличне ришенє за вецейязичне информованє.
Вони поволали и других новинарох чийо медиї у процесу приватизациї остали без медию, лєбо чийо медиї покуповали странково тайкуни, най роздумаю о снованю медийох цивилного сектору.