ШИД – У сали Културно-образовного центру вчера отримана шветочносц з нагоди преглашованя найлєпших спортистох за 2020. рок.
Найлєпши спортисти преглашени у 11 катеґорийох, а за найлєпшу спортистку преглашена Мария Танцик, бициґлистка БК Єднота зоз Шиду, а найлєпши спортиста фодбалер Драґан Апелич зоз ФК Раднички зоз Шиду.
Награду за животне дїло достал Миодраґ Перович, хтори активни вецей як 50 роки у рукомету як бавяч, тренер и функционер у тим спорту.
Окрем урядових наградох, першираз, и други спортисти хтори були у узшим виборе достали медалї.
Орґанизатор манифестациї Спортски союз општини, Општина Шид и РТВ Коперникус Шид.